Guide
2008-05-20 Kampeonato Korsou 2008
YURI KONTER PA DI DOS AÑA SIGUÍ TA TITULÁ
KAMPEON DI KÒRSOU RIBA FLORETE
Djadumingu último 19 di mei 2008 Federashon di Esgrima di Kòrsou a tene su di dos kampeonato senior riba e arma florete. A presentá 14 esgrimista, 7 hende hòmber i 7 hende muhé. Gran mayoría di e esgrmistanan tabata hoben. Solamente dos dama tabata riba 21 aña. E biaha aki e kampeonato a konta ku hopi kara nobo. Entusiasmá dor di e eksitoso promoshon di esgrima ku e torneo internashonal di esgrima luná pasá, no menos ku 8 debutante a partisipá, 5 dama i 3 hende hòmber.
A tene e kampeonato femenino i e kampeonato maskulino riba dos pista bou di guía di e arbitronan Lionel Smith i Raymond Jessurun. E promé buelta tabata un buelta di pul den kual kada esgrimista mester a klasifiká pa e buelta di eliminashon direkto te final.
FLORETE MASKULINO
KLASIFIKASHON DESPUES DI PROME BUELTA
Yuri Konter tabata invikto na e promé lugá riba tabla di posishon ku 6 partido ganá.
Bryan Betrian a posisihoná na di dos lugá ku 5 partido ganá 1 pèrdí.
Jairo Jessurun na di tres lugá ku 3 partido ganá 3 pèrdí ku 23 toke duná 20 risibí.
Joshua Concincion e debutante di 15 aña tambe tabatin 3 partido ganá i 3 partido pèrdí pero ku 18 toke duná 23 risibí a posishoná na e di 4 lugá riba e tabla di posisihon.
E hoben debutante Kito Marugg ku ta seka di kumpli 13 aña di edat a posishoná na di 5 lugá ku 2 partido ganá. Arion Hasselmeyer a posishoná na di 6 lugá ku 1 partido ganá 5 pèrdí i Jean Carlos Jessurun na di 7 lugá ku niun partido ganá.
KUART FINAL
E tres promé esgrimistanan riba tabla di posishon a mantené nan posisihon riba e tabla di posisihon despues di kuart final. Bryan Betrian a gana di Jean Carlos Jessurun ku skor di 15-5. Jairo Jessurun a gana di Arion Hasselmeyer ju skor di … Joshua Concincion sí no a logra di mantené su di kuater lugá riba e tabla di posishon ora ku el a pèrdè kontra Kito Marugg ku skor di 15-4.
SEMI-FINAL
Yuri Konter a gana su partido kontra Kito Marugg ku skor di 15-4 sigurando asina su pase pa final. Bryan Betrian a vense Jairo Jessurun ku skor di 15-12 pa asina e bai topa ku Yuri Konter den final pa diskutí e medaya di oro.
FINAL
E partido di final a resultá un partido ku a bai tres round di tres minuto ya ku niun di dos esgrimistanan no kier a duna ganá. Pero tabata Yuri Konter ku finalmente a demonstrá su superioridat konkistando e titulo di Kampeon di Kòrsou pa di dos aña siguí. Ku skor di 15-7 el a vense Bryan Betrian ku mester a keda konforme ku e di dos lugá komo supkampeon di Korsou 2008 riba florete. Mester remarká ku e dos hobennan aki tambe a titulá kampeon i supkampeon di Kòrsou riba e arma di sabel dos siman pasá.
Cuartos de final
Tercer lugar
Clasificación general final
PRÓKSIMO KAMPEONATO DI KÒRSOU DIA 25 DI MEI RIBA SPADA
E siguiente Kampeonato di Kòrsou ta riba e arma di spada i lo tuma lugá otro siman djadumingu dia 25 di mei 10 or den Sala di Gymnastiek di Mgr. Zwijssencollege.
