Guide
2009-03-03 Pastor Eric Owusu, direktamente for di London na Kòrsou!
Pastor Eric Owusu, direktamente for di London, Inglatera aki na Kòrsou!
Iglesia Pentekostal Kòrsou tin e honor i plaser di invitá pueblo di Kòrsou na e siguiente sirbishinan speshal ku Pastor Eric Owusu den K-Center.
Manera a keda primintí Pastor Eric Owusu ta bèk na Kòrsou pa alimentá nos spiritualmente de e siguiente sirbishinan ku ta djaweps 5 di mart pa 07:30 di anochi, djabièrnè 6 di mart pa 07:30 di anochi, un sirbishi speshal pa hóbennan, djadumingu 8 di mart dos sirbishi un 07:00 or di mainta i un 09:00 or di mainta i djaluna 9 di mart pa 07:30, un sirbishi di orashon speshalmente pa esnan den nesesidat.
Pastor Eric ta prosedente di London, Inglatera i ta ministrá den Charismatic Inpact For Christ Ministries. Nos ta enkurashá un i tur pa no pèrdè e oportunidat aki. Entrada ta kompletamente grátis. Invitá bo sernan kerí i bin un o mas di e sirbishinan aki. Tambe nos ke enkurashá nos hóbennan pa bin e sirbishi speshal pa hóben. Nos lo tin hopi sorpresa agradabel di hóben pa hóben riba e djabièrnè aki. Si bo ta sinti bo hóben di kurason, bo tambe ta bon biní. K-Center ta keda na Bethancourtstraat na Brievengat.