liveincuracao.com

advertising | contact

Curacao information - LiveInCuracao.com

2009-04-17 Apresiabel Redaktor Deportivo

Apresiabel Redaktor Deportivo


Pa medio di e mail aki nos ke rekorda i invita abo i bo lektornan, skuchadonan o televidentenan pa presensia esgrima riba nivel internashonal aki na Korsou te den bo porta di kas. 
Bin mira mundialistanan feminino Ellen O'leary di Estados Unidos i su rival Pat Shepherd-Foster di Gran Britania enfrentando retadonan di Merka, Martinica i di Korsou !

Kiko bo ta spera di e klesh entre spadistanan di taya manera Alfred Cherry, Michael Vitoux di Estados Unidos ku a bin pa reta nos propio yu di tera Epie Claressa ku ana pasa a titula kampeon den e torneo aki na Korsou !  Bin mira kiko nos propio hobennan di selekshon Antiano di esgrima ta prestando kontra e veteranonan internashonal aki ora nan mira akshon den e prome tanda di e torneo ku awemainta i mayan mainta entre 10 or i 12 or !!!

Bin anima nos muchanan medayista di e ultyimo kampeonato Sentroamerikano i di Karibe di esgrima den nan preparashon pa partisipa na e proksimo kompromiso e Kampeonato Panamerikano hubenil di esgrima na Venezuela otro luna ora ku nan tin di enfrenta e veteranonan internashonal eksperensia ku ta di bishita e dianan aki riba nos isla !!!

Bini unu bini tur !!

Pasa awe djabierne 17 di april i mayan djasabra 18 di april den auditorio i sala di gimnastik di International School na Emmastad. Por si akaso bo no por yega parti mainta no perde e kulminashon di e evento internashonal aki ku ta e partidonan di final djasabra awor atardi 4 or pa 6 or i e premiashon di e ganadornan.

Den su afan pa promove e deporte di esgrima bou di hende di tur edat Federashon di Esgrima di Korosu (CASB) i di Antias (NAASB) i nan patrosinadonan prinsipal Fundashon SEDREKO i e fundashon filantropiko the Foundation for the Futrure of Fencing ta warda bo. Nos ta mira bo anto e wikent aki awe djabierne i mayana djasabra den auditorio/sala di gimnastik di International School na Emmastad. 


Entrada ta kompletamente gratis ! !!

Raymond Jessurun - tel
Presidente di Federashon di Esgrima Antiano (NAASB)
Lionel Smith  - tel
Presidente di Federashon di Esgrima di Korsou (CASB)

Ku saludo esgrimistiko kordial

bishita nos website
www.coupecuracao.com
http://www.flickr.com/photos/coupecuracao/ http://www.flickr.com/people/coupecuracao/