Guide
2008-04-10 Pa invierno awor Martinair ta reforsa
Pa invierno awor Martinair ta reforsá su posishon den merkado ‘Greater Caribbean’
Schiphol, 9 di aprel 2008. Entrante e temporada di invierno 2008/2009 Martinair ta brinda un ekspanshon grandi di su kantidat di buelo pa área di Karibe. E skema di buelo interkontinental ta kore di dia 28 di òktober 2008 te i ku dia 28 di mart 2009.
For di invierno awor Martinair lo bula shete biaha pa siman pa Kòrsou di kua tres biaha den kombinashon ku Aruba. Ku e buelo diario pa Kòrsou nos ta ehersé tres buelo pa siman mas kompará ku verano binidero; pa Aruba nos lo bula un biaha pa siman mas.
Entrante invierno binidero tur e destinashonnan di Martinair ta keda den ‘Greater Caribbean’. Den esei e asento ta riba e buelo diario for di Amsterdam pa Miami i sigui ku American Airlines pa Costa Rica (San José), sinku biaha pa Mexico (Cancun) i Cuba (Havana i Varadero) i tres biaha pa Repúblika Dominikano (Punta Cana i Puerto Plata). Nos ta keda bula dos biaha pa siman pa Sürnam (Paramaribo).
Ku e skema nobo di invierno Martinair a logra pa realisá e ophetivonan planiá pa gran parti. E foko den esaki ta riba un repartishon mas efisiente di e ret, sirbiendo e destinashonnan ku un frekuensia mas haltu i nònstòp.