liveincuracao.com

advertising | contact

Curacao information - LiveInCuracao.com

2008-09-29 Ta pidi inspektornan di enseñansa pa in


UNA: orario di SEF ta funshoná pa mas ku 95%

Ta pidi inspektornan di enseñansa
pa investigá e roster di lès na UNA

WILLEMSTAD – Riba proposishon di rector magnificus profesor Jeanne de Bruijn di Universidat Nashonal di Antia (UNA), for di djaluna por hasi un apelashon riba e inspektornan di enseñansa pa investigá kurso di e lèsnan na universidat.  Miéntras ku mando di UNA ta deklará ku e programa edukashonal ta funshoná debidamente, gruponan di studiante ta insistí ku falta hopi ainda. Pa haña klaridat riba e deklarashonnan kontradiktorio aki, ta bai buska refugio den e medida aki k konsentimentu di e minister di enseñansa.

Segun gerensia di UNA, deliberadamente ta pinta e sirkunstansianan di lès na universidat mas malu ku nan ta den realidat pa krea un ambiente negativo. For di fuentenan propio a sali ku e orarionan di lès na tur fakultat di UNA, inkluso esun di SEF (fakultat sosio-ekonómiko) ta funshoná hopi bon mes ku un skor di riba 95%. Kasi tur dia e dekano interino di SEF ta deliberá ku Konseho di Studiante i e asosiashon di studiante UNESE. For di e kontaktonan frekuente di e gruponan di studiante aki ku e rector magnificus a forma un task force ku ta atendé e orario di lès (rooster) ku tur esnan envolví. E studiantenan tambe ta representá eiden. Despues di un apertura di e aña akadémiko nobo ku poko beheit, apénas un siman pasá a konstatá ku tin dosente pa tur e alrededor di 200 materianan pa siman, ku eksepshon di un materia, i ku konsekuentemente por duna lès. Tur informashon di orario, pero tambe datonan di midterms, lès atrasá, etc. ta disponibel pa studiantenan riba Internèt i e studiantenan a laga sa ku nan ta kontentu ku esei. Esei ta mustra ku e programa di edukashon ta hopi bon bou di kontròl, te asina leu e fuentenan for di UNA mes. Sigur si tuma na konsiderashon ku e dekano anterior semper tabata bisa ku un skor di 100% ta irealístiko, pasobra semper tin un dosente malu òf den eksterior i tambe pasobra ta traha ku dosentenan partaim ku de bes en kuando mester sigui otro orario.

Inspektornan por sigui lès
Pa motibu ku tòg studiantenan di SEF ta keda bisa ku nan ta víktima di e fayonan den e programa di enseñansa, Hunta di Supervishon tambe por bai di akuerdo ku e idea di e rector magnificus pa apelá na un partido neutral di afó ku por ta outorisá pa bin tira un bista paden na e universidat. Por pidi e inspektornan di enseñansa ku ta den servisio di Gobièrnu Sentral no únikamente pa studia e orario di enseñansa, pero tambe pa nan asistí na e lèsnan pa averiguá ki materia ta atendé durante college.
Ademas, djaluna rector magnificus lo invitá e hunta di studiante i dosentenan di SEF pa un reunion riba término hopi kòrtiku pa eliminá tur e fayonan i tur otro kos relashoná kuné mas lihé posibel. Esei ta sosodé tambe relashoná ku korespondensia resien riba e materia aki.