Guide
2009-03-19 Bou di kua Komponente Gramatikal TÍTULONAN di Tumba i Seú ta kai?
Bou di kua Komponente Gramatikal TÍTULONAN di Tumba i Seú ta kai?Djadumingu 22 di mart Fakultat General di UNA den koperashon ku APA, Amigunan di Papiamentu, ta organisá un mainta di informashon tokante resultado di un INVESTIGASHON di Títulonan di Tumba i Seú.
E investigashon akí ta parti di un tarea amplio tokante análisis di teksto den kuadro di e diferente abilidatnan lingwístiko: mira/skucha papia lesa i skirbi. A base di un kuadro gramatikal a chèk kada título di Tumba o Seú pa wak si nan ta palabra ( palabra grave, skèrpi etc) konstituyente (ku òf sin “di” o o frase (singular, komponé etc) òf si nan ta pertenesé na otro fenómenonan di idioma manera: reduplikashon o onomatopea.
Studiantenan di aña unu (a hasi seú) i aña 2 (a hasi Tumba) di Estudio Bècheler Papiamentu a hasi e investigashon akí. E investigashon ta trata di letranan di tumbanan i di seú di aña 2000 pa 2008. Na final tur presente por yena un kuadro gramatikal ku títulonan di Tumba i Seú di aña 2009.
Un súplika ta bai pa tur hende ta presente na ora ya ku lo tin un komienso ku lo ta un sorpresa agradabel.
Dia: djadumingu mainta 22 di mart
Ora: 10.30 pa 13.00
Lugá: aula di UNA
Entrada: grátis
Un invitashon ta bai na tur interesado, amigunan di Papiamentu i prinsipalmente na kompositornan pa ta presente.
Kolaboradó sientífiko mayó Dekano di Fakultat General
Drs. Richard Hooi Dr. Liesbeth Echteld
Tel. //