liveincuracao.com

advertising | contact

Curacao information - LiveInCuracao.com

2009- 04-16 Komunikado di prensa

Atletiekvereniging Sparta


Komunikado di prensa



Seminario “Confidence”  organisá pa Atletiek Vereniging Sparta

Den kuadro di selebrashon 45 aña, Atletiek Vereniging Sparta  ta organisá un seminario ku tin komo tema prinsipal “Confidence”  dianan 8 i 9 di mei próksimo den edifisio Charnel riba seru di Mahuma

Meta di e seminario aki ta pa konsientisá i enfatisá e importansia seka tantu e atleta (ku ta práktika kualke deporte) i tambe e coach di kon ta atendé ku medisina i deporte konhuntamente ku  e parti di preparashon mental.  Ademas ku e seminario aki nos ke brinda deportistanan di Kòrsou oportunidat pa traha riba e aspektonan importante pa bo por ta un deportista ku “Confidence”. Esaki ta aportá pa bo por logra bo meta di ta ganador i siña konosé bo kurpa mas mihó i kon pa evitá leshonnan innesesario .

AV  Sparta a skohe dos persona profeshonal i bon konosí riba nivel internashonal pa ta e oradónan ku ta bai duna un presentashon intensivo basa riba 2 aspekto importante ku ta kontribuí na e “Confidence” (Sigur di bo mes) di kada atleta.

Riba e promé dia di Seminario, dr. Wallid Elhage ta trata e tema “Sport and Medicine”  Durante su presentashon e ta bai profundisá riba prevenshon di leshon, re-turno despues di leshon pa kompetensha, “biomecanica” den deporte, planifikashon i “fysiologia” i tambe “meet momenten”.

E siguiente dia nos lo bai tin sr. Robert Coffie ku bai trata e tópiko  “Mental Training: Esaki ta e konsepto di éksito pa tur deportista”. Sr. Coffie ta basa su presentashon riba  e puntonan manera kiko ta hasi e atleta bira eksitoso e.o. konfiansa, focus/ re-focus  tambe lo trata e parti di coaching, sistema di coach, i e karakterístikanan di coaching e.o. komportashon, komunikashon, kon bo por  yuda òf kibra e atleta su karerai tambe kon bo ta inspirá e atleta.

E seminario tin pues tur ingrediente pa bira unu interesante i edukativo. Nos ta spera ku tur  deportista (no ta importá kua deporte bo ta praktikando) i coachnan ta partisipá massalmente na e seminario aki i pone despues den práktika loke nan a skucha durante e dos dianan di seminario.
E sistema na aki nan ta uza den eksterior ku e deportistanan pa asina nan por logra muchu mas tantu. P’e motibu aki AV Sparta a skohe e aktividat aki pa duna algu di importansia na e komunidat deportivo di Kòrsou durante nan selebrashon di 45 aña

Pa mas informashon i registrashon por tuma kontakto ku Curaçaose Sport Federatie na  of email :
Preis pa e seminario lo ta Nafl. 50,00 i ta inkluí konsumo.
Mester depositá suma di partisipashon riba number di kuenta di AV Sparta:
Gironummer : 

Pa entrevista o informashon organisatorio por tuma kontakto ku representante di AV Sparta:  Dioleshka Kuwas o  Vivian Jansen