liveincuracao.com

advertising | contact

Curacao information - LiveInCuracao.com

2009-04-20 Noche de Informashon Referendum organisa dor Securitas/Impacto


Noche de Informashon Referendum organisa dor Securitas/Impacto

Djasabra e Empresanan Securitas Antia I Impacto a organisá un anochi di informashon pa  su empleadonan riba  Referèndem di dia 15 di mei proksimo. E dos kompanianan huntu tin alrededor di 800 empleadonan.

Den su introdukshon direktor general sr. Guido Kibbelaar a splika ku Securitas ni Impacto nunka a mete ku polítika òf gobièrnu. Pero ku e referèndem ta di suma importansia pa futuro di nos pais Kòrsou I nos siudadano nan. A hasi polítika di e referèndem aki pero ku no ta un elekshon pa un persona, coalishon, partido blou bèrdè gel òf oraño nos ta bai vota. Ta pa e motibu aki e kompanianan aki e organisá e nochi di informashon si no sin duda e tambe lo a bai vota no.

Meta di e anochi tabata pa duna tur personal I famianan informashon ophetivo. Lástimamente último ora sr. Terry Hernandez ku a komprometé su mes pa bini duna informashon na tur empleadonan di Securitas I Impacto  pa dikon vota No a kanselá su presensia.  

Tòch e nochi di informashon aki tabata un eksito enorme. Ta tin hopi pregunta di públiko di ki e pakete ku a negoshá ku Hulanda ta kome i bebe. Ki ta nifiká si nos vota no i ki e konsekuensianan ta pa Kòrsou si nos vota no i pa nos mes ku nos famianan.

Sr. Geomaly Martis di SOAB i sr. Etienne YS a splika e públiko na plaka chikí con henter e proseso di negosiashonnan a kana i tur bentaha i desbentaha di Si ku No. Te asta riba pregunta di públiko sr. Ys a splika eksakto ku nòmbernan konkreto ken e  yu di Kòrsou nan i Antiyano nan  lo ta bai ta ku lo tuma asiento den e supervisory board di 6 persona. sr. Orlando Cuales kual tabata e moradador  a logra pa ta tin un bon diskushon te asta fuerte entre e públiko ku panelista nan.  

Pa motibu di e gran eksito di e nochi di informashon aki gerente di Securitas i Impacto a disidí pa organisá un charla mas kual lo tuma lugá djasabra  25 di Aprel próhimo den kura di ofisina na Scharlooweg 19. Orario ta di 06 or eksakto te ku 8 or. Tur empleado ku famia ta invitá pa bin tuma informashon i hasi pregunta na e pènel òf partisipá den e diskushon. Gerente di Securitas i Impacto lo hasi su maksimo esfuerso pa haña hende di opshon no ku por duna informashon konkreto riba opshon No I nan punto di bista di e negosiashonnan.  
Na fin di e diskushonnan sr. Kibbelaar a súplika tur hende i su empleadonan pa bai vota dia 15 di mei. Ta un derechi fundamental ku nos tin i ku tur hende tin ku vota sigun nan konsenshi no keda sin vota pasobra outomátikamente bo lo ta votando pa no.