Guide
02-03-2011 Deklarashon Marcha di despedida
SERVISIO PA INFORMASHON DI GOBIERNU DI KORSOU
Komunikado di prensa
Komunikado di prensa
Deklarashon Marcha di despedida
Gobièrnu di Kòrsou ta partisipá na pueblo di Kòrsou ku lástimamente e trámitenan legal pa ofisialisá e djamars mèrdia di marcha di despedida komo liber, no ta keda kla na tempu. Pa e motibu akí e desishon di Gobièrnu pa tur trahadó di Kòrsou ta liber riba e djamars mèrdia di despedida no por sigui. Gobièrnu ta pidi su diskulpa pa esaki i ta informá pueblo di Kòrsou ku Gobièrnu ta kontinuá ku e trámitenan pa dekretá i ofisialisá e djamars mèrdia di marcha di despedida inisiando 8 di mart 2012 komo liber.
Gobièrnu alabes ta hasi un yamada na Kámara di Komersio, VBC i tur doño di trabou pa duna nan empleadonan liber djamars mèrdia 8 di mart próksimo, di manera ku nan por partisipá di un forma ordená i trankil na e marcha di despedida. Tur empleado di gobièrnu lo ta liber djamars mèrdia dia 8 di mart 2011, tanten ku e servisio ta pèrmití.
Finalmente Gobièrnu di Kòrsou ta deseá pueblo di Kòrsou un felis Karnaval di pas i trankilidat. Ta kada un di nos su kontribushon ta determiná éksito di e totalidat.
Willemstad, 1 mart 2011