Guide
03-03-2011 New Charis Mission
SERVISIO PA INFORMASHON DI GOBIERNU DI KORSOU
Komunikado di prensa
Komunikado di prensa
Delegashon di ‘Charis Mission’ serka Promé-minister
WILLEMSTAD - Pastor Don Wong di ‘The Charis Mission’ di Singapore a hasi e siman aki un bishita di kortesia serka Promé-minister Gerrit Schotte.
‘The Charis Mission’ ta ópera asina yama ‘half way houses’ pa rehabilitá ex-prisionernan pa di e forma aki duna nan un segundo chèns una bes nan sali for di prison. Pastor Wong ta mira e nesesidat pa mas yudansa na eks-detenido komo ku e mes a kai vários biaha sera.
‘The Charis Mission’ ke start awor un proyekto similar ku na Singapore riba Kòrsou i ke apliká e mesun sistema den nos sentro penitensiario ku un programa pa por kuminsá rehabilitá eks-detenidonan promé ku nan drenta bek den komunidat.
Pastor Wong tabata di bishita serka Promé-minister Schotte kaminda e la konta di su programa di rehabilitashon i di su planesnan ku e tin pa e sentro na Kòrsou.
Riba pòrtrèt por mira Pastor Wong, direktor-ehekutivo di "The Charis Mission", Robin Tai, konsehero pa ‘The Charis Mission’, sra. Lupe Reyes direktor-ehekutivo di Prison Fellowship Curaçao, Urving Hooi i Reynaldo Reyes di Prison Fellowship Curaçao. Sra. Reyes ta alabes tambe representante pa e organisashon ‘The Charis Mission’ na Kòrsou.
Willemstad, 2 mart 2011