Guide
2008-04-18 Coupe Curacao 2008
2008-04-11
2008-04-12
2008-04-13
DOS ESTADOUNIDENSE JIM ADAMS I ELLEN O’LEARY A GANA KOPA “COUPE CURACAO 2008” DI E DI TRES DIA DI TORNEO INTERNASHONAL DI ESGRIMA.
Djadumingu 13 di aprel a tene e dos último kompetensianan di e wikènt di promoshon di esgrima den International Trade Center (ITC). Atraves di e torneo internashonal di esgrima “Coupe CURACAO” Federashon di Esgrima Antiano en koperashon ku e Federashon di Esgrima di Kòrsou a kontinuá ku nan di tres dia ku kompetensianan riba e armanan di Sabel femino i Spada maskulino.
JIM ADAMS (USA) KAMPEON DI SPADA MASKULINO
COUPE CURACAO 2008
SPADA MASKULINO
E di sinku evento di e torneo internashonal di esgrima a tuma lugá djadumingu den ITC. Tabata e kompetensia di spada maskulino. Un total di 8 esgrimista internashonal entre kua e yu di Kòrsou Epifanio Claresa den e promé buelta a bringa un partido ku otro pa 5 toka den un tempu limite di tres minuto.
Despues di e buelta di pul aki kaminda a apliká e sistema di “roud robin” Alfred CHERRY di USA a resulta esun ku a gana tur su 7 partidonan klasifikando su mes asina na promé lugá riba e tabla di posishon pa e eliminashon direkto.
Su paisano Joel SPIELBERG ku 5 partido gana a klasifika na di dos lugá, mientras ku nos multipel biaha kampeon di Korsou riba spada Epie CLARESSA a klasifiká na di tres lugá riba tabla di posishon ku 7 partido bringá, 4 ganá, i 3 pèrdí.
• Epie a gana di Gaby WEISZ di CANADA ku skor di 3-1.
• Di Renee CASTELLANOS di USA Epie a logra di parti punto te ku e skor a empatá na 4-4. Pero e último toke di e bistoso partido aki tabata di Epie pa asina gana e partido ku skor di 5-4.
• E viktoria di Epie riba Michael Vitoux di USA tambe tabata di un toke di diferensia 5-4.
• Kontra Jim Adams Epie a gana 5 pa nada !!
E prome semifinalista a bira Alfred CHERRY di USA, ora ku Alfred a gana di Gaby WEISZ di CANADA ku skor di 10-3. E di dos semifinalista tabata Jim ADAMS, ora ku esaki a para e intento di Renee CASTELLANOS ku skor di 10-5. Epifanio CLARESSA a bira e di tres semifinalista. Epie tabata tin mester di tur dos e tres minutonan pa wanta THOMAS i gana ku skor di 3-1. Mientras ku e di kuater semifinalista Joel SPIELBERG a logra esaki a base di un viktoria di 7-6 riba Michael Vitoux di USA.
Den semifinal ta Jim ADAMS i Joel SPIELBERG a logra pasa pa final, mientras ku e biaha aki si Jim ADAMS a bringa i logra derotá Joel SPIELBERG ku skor di 8-3 pa bai ku e kopa di spada maskulino di Coupe CURACAO 2008.
Pa determiná ken den e kategoria di edat di 50-59 aña ta esun ku por a bai ku e medaya di oro o di plata organisadonan a pidi Epie CLARESSA i Alfred CHERRY pa nan a bringa un partido final. E partido aki dilanti di su propio públiko a bira un viktoria di Epie riba Alfred CHERRY. E promé medaya di oro a keda konkista asina pa Antianan Hulandes.
E klasifikashon general final di spada maskulino veterano a bira lo siguiente: 1. Jim ADAMS ( USA); 2. Joel SPIELBERG (USA); 3. Alfred CHERRY (USA); kompartí ku Epifanio CLARESSA (AHO); 5. Renee CASTELLANOS (USA); 6. Austin THOMAS (ARU); 7. Michael VITOUX (USA); 8. Gaby WEISZ (CAN).
E medayanan pa Spada Maskulino pa kada kategoria di edat a keda reparti di siguiente manera:
Kategoria 60+ : Jim ADAMS di USA (oro); Joel SPIELBERG di USA (plata); bròns pa Austin THOMAS di Aruba i Michael VITOUX di USA.
Kategoria 50-59 : Epie Claressa (oro); Alfred CHERRY (plata); Renee CASTELLANOS (bròns).SABEL FEMENINO
SABEL FEMENINO
Komo ku a registrá solamente tres veterano femenino internashonal pa e evento aki organisadornan a disidí di ampliá e pul ku dos esgrimista femenino Kurasoleño di edat mas hoben Yolienne Martus i Chantal Sprock. A palabrá si ku e hoben esgrimistanan aki lo no a risibí e premionan destiná pa e veteranonan si nan klasifiká entre e kuater semi-finalistanan.
E bueltanan klasifikatorio di SABEL Femenino a produsi 4 semi-finalista ku a klasifiká di siguiente manera: 1. Janice MIDGLEY (USA). 2. Chantal SPROCK (AHO); 3. Ellen O’LEARY (USA); 4. Patricia SHEPHERD-FOSTER (GBR).
E promé partido di semifinal entre Janice MIDGLEY i Patricia SHEPHERD-FOSTER a resultá den un viktoria di 10-8 pa Patricia SHEPHERD-FOSTER di Gran Britania ku a sigurá asina su pase pa final
Den e di dos partido di semifinal a toka turno na Ellen O’LEARY i Chantal SPROCK. Pa Chantal SPROCK di Kòrsou tabata un honor di por a bringa un partido ku e kampeon veterano femenino di Estados Unidos, e aktual nr 3 di mundu riba sabel Ellen O’LEARY. Kontra un mundialista kada toke ku bo buta ta un toke di honor. Ellen O’LEARY a demonstra su klase di ta un kampeon ku su taktika di kombate. El a gana di Chantal ku skor di 10-2.
E partido di final a bai entre Ellen O’LEARY (USA) i Patricia SHEPHERD-FOSTER (GBR). E rivalnan di dos kampeonato mundial siguí a perkurá pa un partido di nivel ku hopi toke bunita. Patricia SHEPHERD-FOSTER ku kier a gana di O’LEARY e biaha aki no a logra den su intento den e final aki, ya ku.
ESGRIMISTANAN DI HULANDA MIEKE DE GRAAF I OSCAR KARDOLUS TA GANA TUR DOS KOPA DI E DI DOS DIA DI TORNEO INTERNASHONAL DI ESGRIMA.
Djasabra 12 di aprel den sala di ekshibishon di Intrenational Trade Center (ITC) e torneo internashonal di esgrima “Coupe CURACAO” a kontinuá ku su siguinte evento den e programa di promoshon di esgrima pa e wikènt aki. Tabta toka turno awor na esgrimistanan pa bringa riba e armanan di florete femino i sabel maskulino.
FLORETE FEMENINO
Komo ku a presentá solamente tres veterano femenino internashonal organisadornan a disidí di integrá e pul ku dos esgrimista kampeon i supkampeon di Kòrsou i di Antias di edat mas hoben, pero sin ku nan lo risibí e premionan destiná pa e veteranonan.
E bueltanan klasifikatorio di Florete Femenino a produsi 4 semi-finalista I e siguiente tabla di posishon 1. Ellen O’LEARY (USA); 2. Patricia LUTTON (USA); 3. Mieke de GRAAF-STOEL (HOL); 4. Marivia TUAST (AHO); 5. Chantal SPROCK (AHO).
A bringa e partido di eliminashon direkto entre Marivia TUAST (AHO) i Chantal SPROCK (AHO) pa determina ken ta klasifika pa semi-final. Tabata e kampeon di Kòrsou I di Antias Marivia TUAST ku a gana e enkuentro ku skor di 10 – 3.
Den semi-final Marivia TUAST mester a enfrentá Ellen O’LEARY (USA) ku a mantené su mes na prome luga riba tabla di posishon dor di gana di Marivia ku skor di 10-5.
E otro partido di semi-final a bai entre Mieke de GRAAF-STOEL (HOL) I Patricia Lutton di USA. Mieke de GRAAF-STOEL mester a bringa kontra Patricia LUTTON (USA). Mieke de GRAAF-STOEL e aktual kampeon veterano di Hulanda riba florete femenino a bai e tempu kompletu di dos biaha 3 minuto pa ana e partido ku skor di 9-4.
E partido di final pues a bai entre Ellen O’LEARY (USA) i Mieke de GRAAF-STOEL (HOL). Mieke de GRAAF a bin pa revanchá e derota di 5-4 den e buelta di klasifikashon ku Mieke a risibi di e invikto Ellen O’LEARY (USA). Tur hende a kere ku Elen O’LEARY lo a mantene su invikto I ku e lo a bolbe gana di Mieke de GRAAF. E partido tabata di hopi tenshon. Niun di e dos esgrimistanan no tabata kier a duna otro ganá. Finalmente ku un viktoria di 10-7 Mieke de GRAAF-STOEL (HOL) a gana e mundialista Ellen O’LEARY (USA). Despues di a risibi su Kopa Coupe CURACAO 2008 e Wilhelmus a zona pa e bunita logro di Mieke de GRAAF-STOEL ku pa promé biaha despues di 35 aña tabata bèk na Kòrsou e isla kaminda el a biba shete aña durante di su hubentut.
E klasifikashon general final di FLORETE FEMENINO a bira : 1. Mieke de GRAAF-STOEL (HOL); 2. Ellen O’LEARY (USA); 3. Patricia LUTTON (USA); Marivia TUAST (AHO); 5.Chantal SPROCK (AHO)
Teniendo kuenta ku e kategoria di edat e medayanan pa Florete Femenino a keda repartí di siguiente manera
• Kategoria 60+: Ellen O’LEARY (USA) - oro.
• Den kategoria 50-59 aña : Mieke de GRAAF-STOEL (HOL) - oro; Patricia LUTTON (USA) - plata
SABLISTA OSCAR KARDOLUS TA BAI KU E KOPA
SABEL MASKULINO
E di kuater evento di e torneo internashonal di esgrima ku a tuma lugá djasabra den ITC tabata e kompetensia di sabel maskulino.
Banda di e 4 esgrimistanan internashonal organisadornan a laga e dos esgrimistanan kampeon i supkampeon di Kòrsou riba sabel Bryan Betrian i Jairo Jessurun tambe partisipá pero no ku nan lo por a bai ku ningun di e premionan destiná pa e kategorianan di edat di e veteranonan.
E bueltonan klasifikatorio di Sabel Maskulino a produsí e siguiente klasifikashon pa e tabla di posisihon: 1. Oscar KARDOLUS (HOL); 2.Austin THOMAS (ARU); 3. Renee CASTELLANO (USA) 4. Paul LEVY (USA). Pa Bryan BETRIAN (AHO) un hoben di 19 aña di edat I pa Jairo JESSURU di 18 aña tabata un bunita oportunidat pa topa ku esgrimistanan di taye mundial. Pa kolmo Bryan BETRIAN a bati nan tur ku un bunita estilo di atake i di defensa loke ta un estimulo sigur pa e hoben aki sigui riba e kaminda ku el a drenta aki. Pa motibu di nan edat a retirá nan for di e kompetensia despues di e buelta eliminatorio pa asina laga e 4 veteranonan bai topa otro den semi-final I final.
Den semi-final Oscar Kardolus di Hulanda a topa ku Paul Levy di USA i a gana esaki ku skor di 10-3. Mientras ku Renee CASTELANOS (USA) a bati Austin THOMAS di ARU ku skor di 10-7, pa asina pasa pa e final kontra e aktual supkampeon veterano di mundu, supkampoen Oropeo, 9x kampeon di Hulanda, 5x kampeon veterano di Hulanda Oscar KARDOLUS
Den un partido masha bistoso ku un kombinashon di liheresa i di taktika di nivel haltu Oscar KARDOLUS i Renee CASTELLANO tabata parti punto pa iguala e skor kada biaha. Pero finalmente Ocar KARDOLUS a demonstra su klase di un veterano ku eksperensia mundial I ku slor di 10-6 el a konkista e kopa di sabel maskulino di Coupe CURACAO 2008. For di mannan di e hoben esgrimista Oscar KADOLUS a risibi di Bryan BETRIAN (e uniko ku a gana di Oscar den e kompetensia di awe) e prome kopa di sabel di Coupe CURACAO.
E klasifikashon general final di sabel maskulino veterano a keda: 1. Oscar KARDOLUS (HOL) 2. Renee CASTELLANOS (USA) 3. Paul LEVY (USA) 4. Austin THOMAS (ARU).
E medayanan pa Sabel Maskulino pa kada kategoria di edat a keda reparti di siguiente manera:
Kategoria 60+ : Paul LEVY (USA) oro; Austin THOMAS (ARU) plata.
Kategoria 50-59 : Oscar Kardolus (HOL) oro; Renee CASTELLANOS (USA) plata.
DOS ESTADOUNIDENSE JIM ADAMS I ELLEN O’LEARY A GANA KOPA “COUPE CURACAO 2008” DI E DI TRES DIA DI TORNEO INTERNASHONAL DI ESGRIMA.
Djadumingu 13 di aprel a tene e dos último kompetensianan di e wikènt di promoshon di esgrima den International Trade Center (ITC). Atraves di e torneo internashonal di esgrima “Coupe CURACAO” Federashon di Esgrima Antiano en koperashon ku e Federashon di Esgrima di Kòrsou a kontinuá ku nan di tres dia ku kompetensianan riba e armanan di Sabel femino i Spada maskulino.
JIM ADAMS (USA) KAMPEON DI SPADA MASKULINO
COUPE CURACAO 2008
SPADA MASKULINO
E di sinku evento di e torneo internashonal di esgrima a tuma lugá djadumingu den ITC. Tabata e kompetensia di spada maskulino. Un total di 8 esgrimista internashonal entre kua e yu di Kòrsou Epifanio Claresa den e promé buelta a bringa un partido ku otro pa 5 toka den un tempu limite di tres minuto.
Despues di e buelta di pul aki kaminda a apliká e sistema di “roud robin” Alfred CHERRY di USA a resulta esun ku a gana tur su 7 partidonan klasifikando su mes asina na promé lugá riba e tabla di posishon pa e eliminashon direkto.
Su paisano Joel SPIELBERG ku 5 partido gana a klasifika na di dos lugá, mientras ku nos multipel biaha kampeon di Korsou riba spada Epie CLARESSA a klasifiká na di tres lugá riba tabla di posishon ku 7 partido bringá, 4 ganá, i 3 pèrdí.
• Epie a gana di Gaby WEISZ di CANADA ku skor di 3-1.
• Di Renee CASTELLANOS di USA Epie a logra di parti punto te ku e skor a empatá na 4-4. Pero e último toke di e bistoso partido aki tabata di Epie pa asina gana e partido ku skor di 5-4.
• E viktoria di Epie riba Michael Vitoux di USA tambe tabata di un toke di diferensia 5-4.
• Kontra Jim Adams Epie a gana 5 pa nada !!
E prome semifinalista a bira Alfred CHERRY di USA, ora ku Alfred a gana di Gaby WEISZ di CANADA ku skor di 10-3. E di dos semifinalista tabata Jim ADAMS, ora ku esaki a para e intento di Renee CASTELLANOS ku skor di 10-5. Epifanio CLARESSA a bira e di tres semifinalista. Epie tabata tin mester di tur dos e tres minutonan pa wanta THOMAS i gana ku skor di 3-1. Mientras ku e di kuater semifinalista Joel SPIELBERG a logra esaki a base di un viktoria di 7-6 riba Michael Vitoux di USA.
Den semifinal ta Jim ADAMS i Joel SPIELBERG a logra pasa pa final, mientras ku e biaha aki si Jim ADAMS a bringa i logra derotá Joel SPIELBERG ku skor di 8-3 pa bai ku e kopa di spada maskulino di Coupe CURACAO 2008.
Pa determiná ken den e kategoria di edat di 50-59 aña ta esun ku por a bai ku e medaya di oro o di plata organisadonan a pidi Epie CLARESSA i Alfred CHERRY pa nan a bringa un partido final. E partido aki dilanti di su propio públiko a bira un viktoria di Epie riba Alfred CHERRY. E promé medaya di oro a keda konkista asina pa Antianan Hulandes.
E klasifikashon general final di spada maskulino veterano a bira lo siguiente: 1. Jim ADAMS ( USA); 2. Joel SPIELBERG (USA); 3. Alfred CHERRY (USA); kompartí ku Epifanio CLARESSA (AHO); 5. Renee CASTELLANOS (USA); 6. Austin THOMAS (ARU); 7. Michael VITOUX (USA); 8. Gaby WEISZ (CAN).
E medayanan pa Spada Maskulino pa kada kategoria di edat a keda reparti di siguiente manera:
Kategoria 60+ : Jim ADAMS di USA (oro); Joel SPIELBERG di USA (plata); bròns pa Austin THOMAS di Aruba i Michael VITOUX di USA.
Kategoria 50-59 : Epie Claressa (oro); Alfred CHERRY (plata); Renee CASTELLANOS (bròns).SABEL FEMENINO
SABEL FEMENINO
Komo ku a registrá solamente tres veterano femenino internashonal pa e evento aki organisadornan a disidí di ampliá e pul ku dos esgrimista femenino Kurasoleño di edat mas hoben Yolienne Martus i Chantal Sprock. A palabrá si ku e hoben esgrimistanan aki lo no a risibí e premionan destiná pa e veteranonan si nan klasifiká entre e kuater semi-finalistanan.
E bueltanan klasifikatorio di SABEL Femenino a produsi 4 semi-finalista ku a klasifiká di siguiente manera: 1. Janice MIDGLEY (USA). 2. Chantal SPROCK (AHO); 3. Ellen O’LEARY (USA); 4. Patricia SHEPHERD-FOSTER (GBR).
E promé partido di semifinal entre Janice MIDGLEY i Patricia SHEPHERD-FOSTER a resultá den un viktoria di 10-8 pa Patricia SHEPHERD-FOSTER di Gran Britania ku a sigurá asina su pase pa final
Den e di dos partido di semifinal a toka turno na Ellen O’LEARY i Chantal SPROCK. Pa Chantal SPROCK di Kòrsou tabata un honor di por a bringa un partido ku e kampeon veterano femenino di Estados Unidos, e aktual nr 3 di mundu riba sabel Ellen O’LEARY. Kontra un mundialista kada toke ku bo buta ta un toke di honor. Ellen O’LEARY a demonstra su klase di ta un kampeon ku su taktika di kombate. El a gana di Chantal ku skor di 10-2.
E partido di final a bai entre Ellen O’LEARY (USA) i Patricia SHEPHERD-FOSTER (GBR). E rivalnan di dos kampeonato mundial siguí a perkurá pa un partido di nivel ku hopi toke bunita. Patricia SHEPHERD-FOSTER ku kier a gana di O’LEARY e biaha aki no a logra den su intento den e final aki, ya ku Ellen O’LEARY ku skor di 10-7 a konkistá e Kopa di Sabel Femenino di “Coupe CURACAO 2008”.
E klasifikashon general final di SABEL FEMENINO a bira : 1. Ellen O’LEARY (USA); 2. Patricia SHEPHERD-FOSTER (USA); Janice MIDGLEY (USA) 4. . Chantal SPROCK (AHO)
Teniendo kuenta ku e kategoria di edat e medayanan a keda repartí di siguiente manera
• Kategoria 60+: Ellen O’LEARY (USA) - oro.
Patricia SHEPHERD-FOSTER (GBR) – plata.
• Den kategoria 50-59 aña : Janice MIDGLEY (USA) – oro